Patrick Trefz egileak orain bi urte Thread proiektuarekin liluratu gintuen eta bere proiektu berriaren argazki-bilduma aurkezten digu orain: Idiosyncrasies. Surfari buruz duen ikuspegi berezia erakusten digu berriz ere Patrickek, surfaren hedabideen ikuspuntutik urrun dauden pertsonaia paregabeen bidez, batzuk ospetsuagoak eta besteak ez hain ospetsuak, baina euren historiek zirrara egiten digute.

Proiektuak hiru atal ditu: Donostiako Nocolor galerian aurkeztutako argazki erakusketa, filma eta irailean kaleratuko den liburua. Idiosyncrasies filmaren errodajean sortutako argazkiak oraingo honetan Bilboko Belaza Galleryn izango ditugu ikusgai Irailaren 16tik aurrera. Tamaina eta forma desberdinetako argazkiak daude, eta bilduma arnasa kentzen duten erretratuez, olatu bakarlari perfektuez eta erretratatutako pertsonaien surfaz osatzen da. Trefzek Europan egiten duen lehen erakusketa da eta argazki hauek erosteko aukera paregabea da.