Eguneroko programa Surfilmfestibal: FILMAK
Maiatzak 31 ⋅ Ekainak 1 ⋅ Ekainak 2 ⋅ Ekainak 5 ⋅ Ekainak 6 ⋅ Ekainak 7 ⋅ Ekainak 8 ⋅ Ekainak 9 ⋅ Ekainak 10
Ekainak 8
IRAGANA
Iraganari begiratzea ezinbestekoa da orainaldia ulertzeko eta etorkizuna igarri ahal izateko. Emanaldi honetan aurkeztuko dugun filma funtsezkoa da 70eko hamarkada, taulen bilakaera eta North Shore (Hawai) surfaren guneko surf maila ulertzeko.
Antzoki Zaharra
Ekainak 8
17:00
STYLE WARS
Hip hop-eko eta hiriko arteko irudiak erakusten dituen izen bereko kultuzko dokumentalari begi-keinua. Kasu honetan, aldiz, surfeko estilo ezberdinak alderatuko dira, longboard-a eta shortboard erradikala, hain zuzen ere. Australiako Riley Blakeway zuzendari gaztea berariazko estiloa eta asmo artistikoak dituzten surflari erradikal gazteen ordezkari bikaina da. Pandora Decoster Biarritzeko longboarder gazteak, berriz, frantses kutsu nahastezina duen lan ausarta, estetikoa eta sexya aurkeztuko digu aurten. Gogoratu iaz aipamen berezia jaso zuela bere lehen lana izan zen L'aperitif (iazko fitxaren linka) filmagatik. Azkenik, azken urteotako surf dokumentalik harrigarrienetakoa ikusi ahal izango dugu: FinnSurf. Errealizazio paregabea, oso atsegina eta orijinala. Filmean, surflari finlandiar batzuk surfa ulertzeko duten modua ikusiko dugu, baita Mexikoko Kalle Carranza surflari profesionalak finlandiar horiei zergatik mesede handia zor dien ere!! Aki Kaurismäki surf egitera doa!
Antzoki Zaharra
Ekainak 8
19:00
HANDIA!
Handia, bai obren tamainagatik, bai bi lan horien helmenagatik, eta bai guretzat horren garrantzitsuak diren bi estreinaldiez disfrutatzeko aukerak eragiten digun zirraragatik. Lehenik, Itxasoa eta lehorra ikusi ahal izango dugu, Patrick Trefzek zuzendutako film laburra, eta Jim Denevanek Mundakan 2011ko irailean egindako obra jasotzen duena. Mundakako tutuetatik haratago, Urdaibairen magia aldarrikatzeko Surfilm Festivalek diseinatutako proiektua da, tradizioa eta modernotasuna aldarrikatzen duen luxuzko proiektua. Eta hori gutxi balitz, filmaren soinu-banda Mikel Laboaren abesti liluragarri batek osatzen du (eskerrik asko Marisol eta Izaro!).
Eta, nola ez, Jack MacCoyren azken filma, McCoyk berak aurkeztuko duena. Jack ikono absolutua da surfaren arloko zineman. 60ko hamarkadaren bukaeran jaioa, garaiko ekoizpenen kartelak itsatsi ditu, 16 mm-ko kamerekin filmatu du, denborarekin surf kulturan ikono bilakatu diren hainbat lekuren hastapenak bizi eta kontatu ditu (adibidez, Gland, Sumba eta Occy’s Left), eta garai guztietako surflari onenen erretratuak egin ditu. Primeran pasako du gure artean. Eskerrik asko, Jack!
Itxasoa eta Lehorra
Patrick Trefz. Euskadi-AEB. 2011. 8 min
Lan abstraktu eta poetiko honek Jim Devevanek Mundakan egindako artelanaren hondamenaren sorkuntza prozesua jasotzen du. 2011ko irailaren 3an, mareen bitarte oso batean, Devevanek Urdaibaiko hurritz-adar bat eta arrastelu bat hartu, eta artelan erraldoi bati ekin zion, Mundakako hareatzan. Urdaibai UNESKOk izendatutako gizateriaren erreserba da, baita Europako olatu hobea ere. Ingurumenaren aldeko aldarrikapen hutsa da Denevanen lana, ikusleak bere arreta guztia Urdaibaiko itsasadarreko ekosistemaren ahultasunean jartzea lortzen duena. Zenbait kamerak grabatu zuten Jim lanean ari bitartean itsasadarreko bi aldeetatik, urrutitik gidatutako helikoptero batez eta motorrez eragindako parapente baten laguntzaz, lanaren edertasuna ikuspuntu orotik harrapatu ahal izateko. Mikel Laboaren abesti zoragarri batek osatzen du soinu-banda. Abestia gure egin dugu izenburua, Itsasbehera, ezin aproposagoa baitzen. Lekuaren ospakizun bortitza, tradizioaren eta modernitatearen arteko lotura bikaina, Euskadi eta Munduaren arteko topagunea. Patrick Trefz zuzendari entzutetsuaren lan bikaina.
